| Հեղինակ | Հաղորդագրություն |
|
Ուղարկված է: 29.03.08 09:29. Վերնագիր: Ուսուցողական առակներ
Գրենք առակներ, ասույթներ, որոնք մեզ խորհելու, մտածելու տեղիք կտան, որոնցից մենք կսովորենք:  |
 |
Անձնական թերթիկ
|
|
Պատասխաններ - 71
, հին:
1
2
3
4
Բոլորը
[միայն նորերը]
|
|
|
Ուղարկված է: 03.07.08 15:11. Վերնագիր: Եր‹..
Երկրում կար շատ բարձր և անմատչելի մի լեռ: Մարդիկ կամեցան բնակություն հաստատել նրա վրա, որովհետև լի էր նա ամենայն բարիքով: Սակայն, շատ էր դժվարին նրա վրա բարձրանալը, թեպետև ուներ բազում ճանապարհներ: Նրանք, ովքեր նրա վրա բարձրանալու ժամանակ կանգ առան հանգստանալու, սայթաքեցին և ցած գլորվելով հասան մինչև հատակը, իսկ ովքեր չուզեցին դադար առնել, այլ գավազանի օգնությամբ աշխատեցին շարունակել վերելքը, բարձրացան լեռան վրա և հանգիստ կյանք վայելեցին:
Այսպես թուլակազմ անարիները մնում են կես ճանապարհին ու կորչում, իսկ հաստատակամները, համբերությունն իրենց նեցուկ ունենալով՝ վեր են բարձրանում ու հասնում նպատակին:
|
|
Անձնական թերթիկ
|
|
Ուղարկված է: 04.07.08 03:16. Վերնագիր: :sm36: ..
|
|
Անձնական թերթիկ
|
|
Ուղարկված է: 27.07.08 19:11. Վերնագիր: ԵՂՋ..
ԵՂՋԵՐՈՒՆ ՈՒ ԽԱՂՈՂԸ
Եղջերուն, որսորդներից փախչելով, թաքնվեց խաղողի այգում: Որսորդներն անցան կողքով, և եղջերուն վճռեց, որ այլևս չեն նկատի իրեն, կրծոտեց խաղողի տերևները: Բայց որսորդներց մեկը շուռ եկավ, նկատեց նրան, մնացած տեգով նշան բռնեց և վիրավորեց եղջերվին: Եվ զգալով մոտալուտ մահը` եղջերուն հառաչելով ինքն իրեն ասաց. «Տեղս է, խաղողի վազն ինձ փրկեց, իսկ ես ոչնչացրի այն»:
|
|
Անձնական թերթիկ
|
|
Ուղարկված է: 27.07.08 19:12. Վերնագիր: ԻՄԱ..
ԻՄԱՍՏՈՒՆ ԴԱՏԱՎՈՐ
Մի մարդ ուներ չար կին և կինը կռվեց նրա հետ և ասաց. «Կարծում ես թե քո երեք որդիները քեզնից են : Մեկն է քեզնից, իսկ երկուսը՝ բիճ են»: Եվ նա հարցրեց թե, ո՞րն է իմը, և կինը չասաց: Եվ երբ հայրը մեռնում էր՝ ասաց. «Իմ ամբողջ կայքը թող լինի իմ հարազատ որդուն»: Եվ եղբայրները կռվում էին իրար հետ. մեկն ասում էր, թե ես եմ հարազատ որդին և մյուսը՝ թե ես եմ: Եվ գնացին մի իմաստուն դատավորի մոտ: Եվ դատավորը հրամայեց նրանց հորը հանել գերեզմանից և նետ արձակել նրա վրա: Ով հորը զարկեր նետով, և նետը ծակեր հոր մարմինը, նա էր հարազատ որդին: Եվ երկու որդիները զարկեցին հորը, իսկ ճշմարիտ որդին դանակը քաշեց, որ սպանի եղբայրներին և լաց եղավ դառն արտասուքով և թաղեց հոր մարմինը: Եվ իմացան, որ նա էր հարազատ որդին և նրան տվին հայրենի կայքը:
|
|
Անձնական թերթիկ
|
|
Ուղարկված է: 27.07.08 19:13. Վերնագիր: Առ‹..
Առյուծն և գայլն և աղվեսն եղբայր եղան և որսի ելան և գտան մի խոյ, մի ոչխար, որ է մաքի և մի գառ: Ճաշի ժամին առյուծն ասաց գայլին, թե բաժանիր մեր մեջ այդ որսը: Եվ գայլն ասաց. «Ով թագավոր, աստված արդեն բաժանել է՝ խոյը քեզ, մաքին ինձ և գառն աղվեսին»: Եվ առյուծն բարկանալով, ապտակ զարկեց գայլի ծնոտին, և դուրս թռան գայլի աչքերը, և նա նստեց և դառն լաց եղավ: Եվ դարձյալ ասաց առյուծն աղվեսին, թե բաժանիր ոչխարները մեր մեջ: Եվ աղվեսն ասաց. «Ով թագավոր, աստված արդեն բաժանել է՝ խոյը քեզ ճաշին, մաքին քեզ՝ հրամենքին և գառը քեզ ընթրիքին»: Եվ առյուծն ասաց. «Ով խորամանկ աղվես, քեզ ո՞վ սովորեցրեց այդպես ճիշտ բաժանել»: Եվ աղվեսն ասաց. «Ինձ սովորեցրեցին գայլի աչքերը, որ դուրս թռան»:
|
|
Անձնական թերթիկ
|
|
Ուղարկված է: 27.07.08 19:15. Վերնագիր: ԹԱԳ..
ԹԱԳԱՎՈՐ ԵՎ ՕՁ
Կար մի թագավոր և ուներ նա մի սիրելի օձ, որ նրան ամեն օր բերում էր մի կարմիր դահեկան: Եվ թագավորն ունեցավ մի մանուկ, որին սնուցում էր գահի վրա և օձը նետում էր մանկան պարանոցով, և այդպես խաղում էին օձն ու մանուկը: Եվ երբ մանուկը մեծացավ, մի անգամ խաղի ժամանակ սուրը հանեց և կտրեց օձի պոչը և գետին գցեց: Եվ զայրացավ օձը, թույնով զարկեց մանուկին, և մանուկը իսկույն մեռավ, և օձը գնաց օտար երկիր: Եվ երբ թագավորը եկավ և մանուկին օձի թույնից սևացած և մեռած տեսավ և օձի պոչը գետնին ընկած, իմացավ, որ յուր մանուկն է թրով կտրել օձի պոչը: Եվ սգաց որդուն, տարավ թաղեց գերեզմանում:
Եվ անցավ մի առ ժամանակ, և թագավորը խնդրանքներ ուղարկեց այն օձի մոտ և ասաց. «Գիտեմ, որ առաջ իմ որդին է ծռություն արել. նա կտրել է քո պոչը, ապա դու կծել ես նրան: Ինչ որ եղավ՝ եղավ, և իզուր գնացիր: Արի և մենք կլինենք առաջվա մնան իրար սիրելի և միասին կապրենք»: Իսկ օձը պատասխան տվեց և ասաց. «Այդպես չէ: Քանի որ ես պիտի նայեմ իմ պոչի վրա, իսկ դու քո որդու գերեզմանին, ուրեմն մեր միջից թշնամությունը չի վերանա: Լավն այն է, որ դու և ես իրարից հեռանանք, որպեսզի այլ ուրիշ մեծագույն չարիք չծնվի մեր մեջ»:
|
|
Անձնական թերթիկ
|
|
Ուղարկված է: 06.10.08 18:09. Վերնագիր: Շատ..
Շատ դարեր առաջ ապրում էր մի մարդ, որին մշտապես ուղեկցում ու պաշտպանում էին երեք աստվածներ' երջանկության աստվածը, հարստության աստվածը եվ ընկերության աստվածը: Երբ այդ մարդը օրերից մի օր հասավ մեծ հաջողությունների, աստվածներն այցի եկան նրան եվ ասացին. ,,Մարդ արարած, դու արդեն հասել ես քո հաջողության գագաթնակետին եվ ժամանակն է, որ մենք քեզ լքենք, բայց մեզանից մեկին' քո ընտրությամբ, դու կարող ես կրկին ունենալ քո կողքին, ասա, ում ես ցանկանում ունենալ,,: Մարդը մտածեց եվ պատասխանեց.,, Թող ինձ հետ մնա ընկերության աստվածը,,, եվ պարկեց քնելու: Եվ որքան մեծ եղավ նրա զարմանքը, երբ արթնանալով նա իր կողքին կրկին տեսավ երեք աստվածներին: Նա հարցրեց.,, Ինչու մնացիք ինձ հետ,,: Եվ աստվածները պատասխանեցին.,,Որովհետեվ դու ընտրեցիր ընկերության աստվածը, իսկ նա նաեվ մեր ընկերն է, իսկ ընկերությունից թանկ բան այս կյանքում ոչինչ չկա, դրա համար մենք մնացինք քեզ հետ,,:
|
|
Անձնական թերթիկ
|
|
Ուղարկված է: 07.10.08 00:35. Վերնագիր: Narine գր..
Narine գրում է: | հղում: | | Որովհետեվ դու ընտրեցիր ընկերության աստվածը, իսկ նա նաեվ մեր ընկերն է, իսկ ընկերությունից թանկ բան այս կյանքում ոչինչ չկա, դրա համար մենք մնացինք քեզ հետ,,: |
|
  |
|
Անձնական թերթիկ
|
|
Ուղարկված է: 07.10.08 17:35. Վերնագիր: Narin jan bolorn el ..
Narin jan bolorn el lav arakner ein, isk verjine avelin!!!!!!!
|
|
Անձնական թերթիկ
|
|
Ուղարկված է: 09.10.08 00:24. Վերնագիր: SHAT LAVN EIN, SHAT ..
SHAT LAVN EIN, SHAT SIRECI HARAZAT VORDU ARAK@ EV VERJIN@
|
|
Անձնական թերթիկ
|
|
Ուղարկված է: 10.10.08 17:25. Վերնագիր: Մի Š..
Մի թագավոր իր զորքով ճանապարհ էր գնում։ Նա երկու սուրբ հայրերի տեսավ գարշելի հագուստով։ Թագավորը իջավ նժույգից և խոնարհվելով, համբուրեց նրանց։ Զորավարներն սկսեցին տրտնջալ, թե այս թագավորը իր մեծամեծներին պատիվ չի տալիս, չնչին մարդկանց մեծարում է:
Թագավորն իմանալով՝ հրամայեց չորս սնդուկ սարքել. երկուսը արտաքուստ գեղեցիկ ու քանդակազարդ՝ լի աղբով ու ավազով, իսկ մյուս երկուսը՝ արտաքուստ տհաճ, կպրոտ, մեջը լի ոսկով ու մարգարտով։ Եվ կանչելով բամբասող իշխաններին, թագավորն ասաց.
— Գնահատեցե՛ք և ընտրեցե՛ք չորս կնքած արկղներից որն ուզում եք։
Նրանք ընտրեցին գեղեցիկները և բանալով տեսան, որ լցված են աղբով ու ավազով, զղջացին։ Թագավորն ասաց.
— Այդպես եք նայում երեսին և պայծառ հագուստին այն մարդու, որ ներքուստ լի է աղտեղությամբ։ Իսկ այն սուրբ հայրերը, որոնց հանդիպեցի, արտաքուստ էին աղտեղի, իսկ ներքուստ՝ լի հոգու շնորհով։
ՎԱՐԴԱՆ ԱՅԳԵԿՑԻ
|
|
Անձնական թերթիկ
|
|
Պատասխաններ - 71
, հին:
1
2
3
4
Բոլորը
[միայն նորերը]
|
|
- մասնակիցը ներկա պահին գտնվում է ֆորումում
- մասնակիցնը ֆորումից բացակայում է
