Ուղարկված է: 20.02.08 16:17. Վերնագիր: Հետաքրքիր լուրեր -4

SHARUNAKUMEM

 Ուղարկված է: 25.07.08 14:39. Վերնագիր: Vat@ na er vor 3 hog..

Vat@ na er vor 3 hogi ein,vor meki vra hastatel kliner?
heto mi xujhani patcharov erku anmex mardu el es kaskatsi tak vercnum.shat viravorakana anmex mardu hamar.

 Ուղարկված է: 25.07.08 14:42. Վերնագիր: Ham el ord kpchanar,..

Ham el ord kpchanar, bayc de hima zgushacru tan tererin, tox zguysh mnan.Karoxa shat vstahum en,amen tex drabnk mutk unen.

 Ուղարկված է: 25.07.08 14:44. Վերնագիր: Meronq hajastanum en..

Meronq hajastanum en,mamas voroshel er zgushacni.

 Ուղարկված է: 29.07.08 17:14. Վերնագիր: ՄԱԿ..

ՄԱԿ-Ի ԳԼԽԱՎՈՐ ՔԱՐՏՈՒՂԱՐԸ ՕԼԻՄՊԻԱԴԱՅԻ ԸՆԹԱՑՔՈՒՄ ՀՐԱԴԱԴՐԻ ԿՈՉ Է ԱՐԵԼ

ՄԱԿ-ի գլխավոր քարտուղար Պան Գի Մունը կոչ է արել Պիկինում անցկացվելիք Օլիմպիադայի ընթացքում ողջ աշխարհում դադարեցնել ռազմական գործողությունները: Նա համոզմունք է հայտնել, որ օլիմպիական հրադադարը կարող է ստիպել մտածելու պատերազմի դաժան հետևանքների մասին, երկխոսության հնարավորություններ ստեղծել, տուժած բնակչությանը հանգստանլու հնարավորություն տալ: Նա նաև նշել է, որ դա ի զօրու է մարդկությանը ցույց տալ, որ խաղաղություն հնարավոր է հաստատել նաև անելանելի իրավիճակներում:
Իր հերթին ՄԱԿ-ի գլխավոր ասամբլեայի նախագահ Սրջան Քեռիմն անդամ երկրներին կոչ է արել նվիրվածություն ցուցաբերել Պեկինում անցկացվելիք 29-րդ օլիմպիական խաղերին բոլոր մակարդակներով կոնկրետ գործողությունների միջոցով` աշխարհում խաղաղության և ներդաշնակության հաստատման համար:

 Ուղարկված է: 30.07.08 12:48. Վերնագիր: «ԷՐ…..

«ԷՐԳԵՆԵՔՈՆՆ» Է ԿԱԶՄԱԿԵՐՊԵԼ ՀՐԱՆՏ ԴԻՆՔԻ ՍՊԱՆՈՒԹՅՈՒՆԸ

*

«Ազգը» նախորդ համարում տեղեկացրել էր Պոլսո հայոց պատրիարք Մեսրոպ Բ Մութաֆյանի դեմ ընդհատակյա «Էրգենեքոն» ահաբեկչական կազմակերպության պատրաստած մահափորձի մասին: Հուլիսի 28-ի համարում «Սաբահ» թերթն էլ տեղեկացնում է, որ «Էրգենեքոնն» է կազմակերպել Հրանտ Դինքի սպանությունը, եւ դա հիմնավորում է մեղադրականով:

Ահա թե ինչ է գրում է «Սաբահ» թերթը. «Ըստ մեղադրականի, «Էրգենեքոնը» կազմակերպեց Տրապիզոնում կաթոլիկ քահանա Սանտորոյի, Ստամբուլում «Ակօսի» գլխավոր խմբագիր Հրանտ Դինքի, ինչպես նաեւ Մալաթիայում «Զիրվե» հրատարակչության չորս աշխատակիցների սպանությունը: Սակայն կազմակերպության գործունեության խիստ գաղտնիության եւ բջջային կառուցվածքի պատճառով հնարավոր չեղավ ապացուցել, եւ գործերը սահմանափակվեցին սպանություններն իրականացնողների ձերբակալությամբ: Հատկանշական է, որ ձերբակալված մարդասպաններից շատերը չգիտեին, թե ում են ծառայել եւ ովքեր են ուղղորդել իրենց: Սակայն իրականացված գործողությունների նպատակներն ու արդյունքները հստակ պատկերացում են տալիս, որ դրանք երկրում քաոս, անարխիա, ահաբեկչություն, անկարգություն հրահրելու եւ միջազգային ասպարեզում Թուրքիային ծանր կացության մեջ գցելու հեռահար նպատակով կառավարվել են միեւնույն կենտրոնից»:

 Ուղարկված է: 30.07.08 13:12. Վերնագիր: Որա..

Որակյալ կրթությունը թանկ հաճույք Է:

ՀԱՄԱՇԽԱՐՀԱՅԻՆ ԿՐԹԱԿԱՆ ՀԱՄԱԿԱՐԳԵՐԻ ԵՎ ՄԻ ՔԻՉ ԷԼ ՄԵՐԻ ՄԱՍԻՆ
Հայաստանյան և արևմտյան կրթական համակարգերի տարբերությունների մասին կարելի է երկար խոսել: Վերջերս պետությունը փորձում է հայտնի միջազգային պայմանագրով և այլ համաձայնագրերով մեր կրթական համակարգը մոտեցնել-հավասարեցնել-համապատասխանեցնել արտերկրների նույնօրինակ համակարգերին: Որպեսզի Հայաստանում կրթություն ստացած մեր մասնագետները որակապես համապատասխանեն միջազգային չափանիշերին և պահանջարկ ունենան առաջատար երկրների աշխատաշուկայում:
Հայաստանում հրատարակվող ՙԷլիտար կյանք՚ ամսագրում զետեղված բրիտանական կրթական համակարգի մասին պատմող նյութը չափազանց հետաքրքիր լինելու հետ մեկտեղ հիշեցրեց շվեյցարացի ասպիրանտի զարմանքը: Բուհական ընդունելությունների շրջանում գտնվելով Հայաստանում և տեսնելով ու զգալով, թե ընդունելության քննությունների հետ կապված ինչպես է շիկանում մթնոլորտը, նա, չկարողանալով թաքցնել զարմանքը, ասել էր. ՙԻնչո՞ւ է այս բոլորը: Թող բոլոր ցանկացողներն ընդունվեն: Սեսիոն քննությունների ժամանակ ով հաջող կհանձնի դրանք, կշարունակի սովորել՚: Նա չէր կարող ենթադրել, թե մեր կրթական հաստատություններում գործում է խնդրելով, միջնորդելով, ՙվճարելով՚, ծանոթ-բարեկամի զանգերով գնահատական պոկելու չգրված կարգուօրենքը: Մինչդեռ արևմտյան և եվրոպական կրթական համակարգերում այդպիսիք բացակայում են: Այլ է նաև ուսանելու գործընթացը: Բրիտանական առաջատար համալսարաններում, օրինակ (Օքսֆորդ, Քեմբրիջ), ուսանողական, թվում է, անհոգ ու երջանիկ կյանքի հետևում դժվարին կյանք կա, ինչը նշանակում է օրնիբուն դժվարին, քրտնաջան ու հսկայածավալ աշխատանք, որ բնորոշ չես համարի Հայաստանի կրթական հաստատություններում։ Բրիտանական կրթական համակարգի ուսանողը պարտավոր է կատարել և կատարում է պահանջված հետազոտական աշխատանքը՝ ժամանակին և անհրաժեշտ որակով, անկախ իր սոցիալական կարգավիճակից, հասարակության այս կամ այն խավին պատկանելությունից։ Այստեղ բոլորը հավասար են։ Ինչպես գրում է ամսագիր, ՙեվրոպական արքայական ընտանիքի գահաժառանգը, աֆրիկյան փոքր պետության կրթաթոշակ հաղթահարած քաղծառայողը և նախկին խորհրդային հանրապետության ուսուցչի կամ շարքային բանվորի զավակը՚։
ՙԷլիտար կյանքը՚ ներկայացնում է բրիտանական երեք առաջատար կրթական հաստատությունները՝ նշելով. ՙԱրդեն մի քանի դար է, ինչ ուսուցման բրիտանական մեթոդներն ուղենիշ են հանդիսանում ժամանակակից աշխարհի կրթական համակարգերի համար՚։
ՕՔՍՖՈՐԴԻ ՀԱՄԱԼՍԱՐԱՆ
Անգլախոս աշխարհի ամենահին համալսարանն է և գոյություն ունի արդեն ինը դար։ Այստեղ ուսանողներ և գիտնականներ են գալիս ամբողջ աշխարհից։ Ավելի քան 18 հազար ուսանողներ ներկայացնում են 130-ից ավելի երկիր։ Օքսֆորդը կոլեգիալ համալսարան է և միավորում է 39 ինքնակառավարվող քոլեջ։ Բոլոր ոլորտներում հաջողությունների հասած միջազգային հեղինակություն վայելող այս կենտրոնը հայտնի է նաև դիվանագիտության, միջազգային հարաբերությունների և իրավունքի ոլորտներում իր ունեցած առաջատար դիրքով։ Տարբեր ժամանակներում Օքսֆորդի համալսարանում սովորած հայտնի մարդկանցից են գրող Օսկար Ուայլդը, դերասան Հյու Գրանտը, ԱՄՆ նախագահ Բիլ Քլինթոնը և այլք։
ՔԵՄԲՐԻՋԻ ՀԱՄԱԼՍԱՐԱՆ
Քեմբրիջի պատմությունը հաշվվում է դեռևս 1200 թվականից, երբ այս քաղաքը ծաղկող առևտրական համայնք էր։ Մեկուկես-երկու տասնամյակ անց այստեղ արդեն ուսանողների և դասախոսների բավականին մեծ բանակ կար։ Հենց սկզբից քաղաքի բնակչության և ուսանողության մեջ կային տարաձայնություններ։ Հակասության պատճառը մի կողմից ուսանողության կողմից բնակչությանն անհանգստացնելն էր, մյուս կողմից վարձով տրվող բնակարանների դիմաց բնակչության՝ մեծ գումարներ գանձելը։ 1231թ. Հենրի 3-րդ թագավորն ուսանողներին և դասախոսներին իր պաշտպանության տակ առավ՝ մեղմացնելով նրանց կենցաղային հարցերի լուծումը։
Քեմբրիջի համալսարանը հիմնականում մասնագիտացած է բնական և ճշգրիտ գիտությունների ուղղությամբ։ Քեմբրիջին է պատկանում մարդու գենետիկայի հայտնագործումը։ Քեմբրիջն աշխարհին բազմաթիվ հայտնի մարդիկ է տվել` Օլիվեր Կրոմվել, Չարլզ Դարվին, Վլադիմիր Նաբոկով, Ջավահառլալ Ներու, արքայազն Չարլզ։ Իսահակ Նյուտոնից մինչև Սթիվեն Հոքինգ՝ Քեմբրիջի համալսարանը վաստակել է աշխարհում անգերազանցելի հեղինակություն։
ԼՈՆԴՈՆԻ ՏՆՏԵՍԱԳԻՏՈՒԹՅԱՆ ԵՎ ՔԱՂԱՔԱԳԻՏՈՒԹՅԱՆ ԴՊՐՈՑ
Լոնդոնի տնտեսագիտության և քաղաքագիտության դպրոցը (LSE) հիմնադրվել է 1895-ին, իսկ ընդամենը 5 տարի անց ճանաչվել է Լոնդոնի նորաբաց համալսարանի տնտեսագիտության ֆակուլտետ։ Ամբողջ աշխարհում LSE-ն բացառիկ հեղինակություն ունի և դեռ հիմնադրումից կարճ ժամանակ անց մարտահրավեր է նետել կրթական համակարգի երկու հիմնասյուների՝ Օքսֆորդի և Քեմբրիջի համալսարաններին:
117-ամյա իր գոյության ընթացքում Լոնդոնի տնտեսագիտության և քաղաքագիտության դպրոցի դասախոսական կազմից 13-ը Նոբելյան մրցանակ են ստացել. նրանցից 9-ը՝ տնտեսագիտության ոլորտում։
LSE-ից են ՙսերվել՚ ՄԱԿ-ի գլխավոր քարտուղար Քոֆի Անանը, ԱՄՆ նախագահ Ջոն Քենեդին և այլն։
ԲՐԻՏԱՆԱԿԱՆ ԿՐԹԱԿԱՆ ՀԱՍՏԱՏՈՒԹՅՈՒՆՆԵՐՈՒՄ ՍՈՎՈՐԵԼԸ ԹԱՆԿ ՀԱՃՈՒՅՔ Է
Ուսման վարձի չափն այստեղ պայմանավորված է ընտրած մասնագիտությամբ և առարկաների քանակով։ Անուղղակի կապ կա նաև պատկառելի վարձաչափի և այս համալսարաններում կրթություն ստացողների ապագա փայլուն կարիերայի միջև։ Օքսֆորդի, Քեմբրիջի, LSE-ի ավարտական դիպլոմներն այդպիսի կարիերայի (ինչը նաև նշանակում է բարձր վարձատրվող աշխատանք) գրավական ու երաշխիք է։
Եվ այսպես՝ մեկ ուսումնական տարվա վճարը Քեմբրիջի համալսարանում և Լոնդոնի տնտեսագիտության և քաղաքագիտության դպրոցում տատանվում է 9000-22000 ֆունտ սթերլինգի սահմաններում։ Միջինը 9000 ֆունտ սթերլինգ էլ կազմում են կենցաղային և կենսապահովման ծախսերը։
Օքսֆորդի համալսարանում մեկ տարվա վարձը 8880-27500 սթերլինգ է։
Պատրաստեց Ս. ԱՐՇԱԿՅԱՆԸ

 Ուղարկված է: 30.07.08 19:03. Վերնագիր: Sovorele thank hajuy..

Sovorele thank hajuyqa, bayc petutyune ognuma usanoxnerin, vardze pakuma tarekan, avarteluc heto , erb ancnum en arden ashxatanqi, isk estex ashxatavardzere shat bardzr en, manavand verevum nshvac hexinakavor hamalsaranner avartatsneri ashxatavardze, ashxatavardzic pahum en et partk vercrac gumare. Es erkrum petutyune amen inch anuma, vor ir erkri sovorel dzgtox kaxakacin bardzrana, mard darna, petkakan lini petutyane. Husanq mer erexeke mi bani khasnen, otar erkrnerum aprelov shat ban enk korcnum, gone et koxmic baxtners jpta.

 Ուղարկված է: 30.07.08 19:05. Վերնագիր: "ԱՐ&..

"ԱՐՄԵՆՏԵԼ"-Ը ՏՈՒԳԱՆՎԵՑ

Տնտեսական մրցակցության պաշտպանության պետական հանձնաժողովն այսօր քննարկեց գերիշխող դիրքի չարաշահման համար ԱրմենՏել"-ի նկատմամբ տուգանքի կիրառման հարցը: "Տնտեսական մրցակցության պաշտպանության մասին" Հայաստանի օրենքով "ԱրմենՏել" ընկերությանը տուգանեցին նախորդ տարվա հասույթի 2 տոկոսի չափով (բայց ոչ ավել, քան 300 միլիոն դրամ):

Հիշեցնենք, որ հանձնաժողովը "ԱրմենՏել"-ի նկատմամբ վարույթ է հարուցել ինտերնետ հասանելիության ծառայություններ մատուցող "Վեբ", "Արմինկո", "ՔրոսսՆեթ" ընկերությունների տարբեր ամիսների դիմումների հիման վրա: Դիմումներում բարձրացրել են երեք հիմնական հարց. ունենալով մենաշնորհային դիրք հանրային համակցված հեռախոսացանցի համար վարձակալած գծի ծառայությունների շուկայում, "ԱրմենՏել"-ը այդ ցանցի միջոցով վերջնական սպառողներին մատուցում է բարձր արագությամբ և ցածր գնով ինտերնետ հասանելիության ծառայություն ("Հայ Լայն"), սակայն մերժում է այլ լիցենզավորված պրովայդերներին նմանատիպ ծառայություններ մատուցել` չտրամադրելով նրանց հանրային համակցված հեռախոսացանցը վարձակալության պայմանագրով:
Երկրորդ հարցն այն է եղել, որ "ԱրմենՏել"-ն ունենալով մենաշնորհային դիրք` մերժում է համակցված գծերը վարձակալությամբ տրամադրել պրովայդերներին:
Երրորդ հարցը վերաբերում է նրան, որ Հայաստանում իրականացնել օպտիկամանրաթելային կապով արտաքին կապուղիների մատակարարաման շուկայի ուսումնասիրությունը և այնտեղ գերիշխող դիրքի առկայության որոշումը, ինչն էական ազդեցություն է թողնում ինտերնետ հասանելիության ծառայությունների մանրածախ շուկայի և այնտեղ ձևավորվող գների վրա:

Նշենք, որ "ԱրմենՏել"-ին 15 օր ժամկետ էր տրված պրովայդներների հետ խնդիրների լուծման և երկուստեք պայմանագրեր ներկայացնելու համար, սակայն, փաստորեն, այդ ժամանակն արդյունավետ չի օգտագործել: Դիմումներում բարձրացրած երեք խնդրից երկուսը կարգավորվել են` վարձակալված գծերը "ԱրմենՏել"-ի կողմից պրովայդերներին վարձակալությամբ տրամադրել և Հայաստանում իրականացնել օպտիկամանրաթելային կապով արտաքին կապուղիների մատակարարաման շուկայի ուսումնասիրությունը և այնտեղ գերիշխող դիրքի առկայության որոշումը:

Իսկ ահա "Արմենտել"-ի կողմից "Հայ Լայնի" նման ծառայությունների մատուցման համար բաշխիչ ցանցը պրովայդերներին չտրամադրելու խնդիրը մնացել է չլուծված: Մատուցելով "Հայ-Լայն"` միաժամանակ "ԱրմենՏելը" հրաժարվում է "Հայ Լայնի" նման ծառայություն մատուցելու համար բաշխիչ ցանցը վարձակալությամբ պրովայդերներին տրամադրելուց` պատճառաբանելով տեխնիկական, կազմակերպչական և այլ պայմանների բացակայությամբ:

Հանձնաժողովի մասնագետների գնահատմամբ, շուկայում գերիշխող դիրք ունեցող "ԱրմենՏելը" իր նպատակաուղղված գործողություններով չարաշահել է այդ դիրքը` ինչն արտահայտվել է այլ տնտեսվարող սուբյեկտների` առևտրի կամ արտադրության արդիականացման կամ ներդրումների սահմանափակմամբ, պայմանագրի կողմից լրացուցիչ պարտավորությունների պարտադրմամբ և այլն: Այսինքն, ընկերությունն իր գործողություններով վնասել է սպառողների շահերը:

Հանաձնաժողովի նախագահ Աշոտ Շահնազարյանի առաջարկով 30 օրյա ժամկետում "ԱրմենՏել" ընկերությունը պետք է հանձնաժողովին ներկայացնի զեկույց` պրովայդերների հետ պայմանագրում փոփոխություններ կատարելու մասին: Հանձնաժողովի մյուս անդամները միաձայն ընդունեցին: